但最多時候，我都係用嚟伴鮮果一齊食，有時更會加入穀物食材，不但飽肚又好味，而且健康有益，絕對係唔錯嘅選擇。
車厘茄、鮮橙、木瓜加蘋果，再拌以熱情果杏桃乳酪。
香橙芒果乳酪配西柚、雪梨，再灑上燕麥果條碎，又係另一風味。
呢個鮮果乳酪就係 my favourite，香橙、奇異果、香蕉拌香蕉乳酪，
再加上我最鍾意嘅燕麥方脆，有多重口感：creamy、鬆脆、鮮甜！
有食開乳酪嘅你，你又有咩嘅自創配搭呢？
與 blog 友交流煮食心得，分享生活點滴。
2009年8月31日星期一
2009年8月29日星期六
桂格小甜圈蘋果榖類早餐
其實喺超市留意咗呢隻穀物早餐好耐，因為有我鍾意嘅蘋果同肉桂嘛，不過一日唔減價，一日都唔會買嚟試，因為我覺得唔值呢個價，我寧願買番燕麥方脆好過。點知早幾個星期卒之俾我等到佢減價喎，咪買返嚟試味囉！
打開個盒，剪開包裝袋，已經聞到好濃嘅蘋果味同肉桂味，即刻攞粒嚟試吓，嘩，好鬼甜呀，真係甜到阿媽都唔認得！！
本來呢類穀物早餐係屬於健康食品，但係整到咁甜，就一啲都唔健康啦！而且摸完之後隻手會有啲油 o添，係我食過咁多隻穀物早餐之中唯一一隻咁甜、咁油。所以我都唔推介俾各位喇！
都係燕麥方脆好食啲！
咖喱豬皮魚蛋
前幾日諗起，呢排都好少煮咖喱菜式，放是就左諗右諗，整咩咖喱好呢？東南亞咖喱？日式咖喱？印度咖喱？港式咖喱？最後決定咗整呢個經典港式小食 — 咖喱豬皮魚蛋。
雖然叫做咖喱豬皮魚蛋但係又點少得蘿蔔呢？煮到入哂味嘅蘿蔔，仲好食過個兩樣主打材料 o添！本來諗住淨係買豬皮嘅，點知去到豆腐檔，見到任揀 $10 份淨豬皮、豬皮魷魚、淨魷魚、魷魚加柏葉，有得咁揀，咁就梗係揀豬皮魷魚啦，多一款食材嘛！所以就變成 "咖喱蘿蔔豬皮魚蛋魷魚" 喇！嘩，好鬼死長呀，一口氣都讀唔哂。
材料：
白蘿蔔
浸發豬皮
炸魚蛋
水浸魷魚
蒜茸
調味料：
咖喱醬
沙茶醬
鹽
糖
- 先將豬皮、魷魚、魚蛋沖洗乾淨、切件，然後放入加有白醋同酒嘅滾水內汆水，
瀝乾備用。
- 蘿蔔切去頭、尾，刨皮後切細件。
- 燒熱油，先爆香蒜茸，之後將咖喱醬同沙茶醬加入一齊爆香。
- 加入蘿蔔，兜勻，加入適量清水。
- 當咖喱汁煮番滾後，就落埋其他材料一齊煮，加鹽、糖調味。
- 當煮到蘿蔔腍身就攪掂，可以上碟。
加多咗沙茶醬落去，味道真係有啲似出邊果啲咖喱魚蛋咁味，惹味好多。呢個小食又好味、又簡單、又快手，抵呀！
P.S. 好多時喺豆腐檔買返嚟嘅嘢都會好油，唔單只係今日嘅豬皮同魷魚，就連平時買嘅豆腐都係一樣有油，初時都真係唔係好明點解會咁，後尾卒之俾我諗到，係因為檔口阿姐唔會成日洗手，摸過哂啲炸魚蛋、豆腐卜、麵筋之類油炸食物，跟住又摸豆腐、豬皮、雪菜 …… ，咪攪到所有嘢都肥喱囉！
2009年8月27日星期四
腐乳蒸茄子
老豆又喺朋友嘅農場度攞咗啲矮瓜返嚟，條條都好嫩，咁嫩嘅矮瓜，最啱就係要嚟蒸喇！記得細個果陣時，媽咪見到有白矮瓜就會買返嚟蒸，因為佢話白色嘅矮瓜係比紫色嘅嫩好多，所以今次我都照板煮碗咁做法，回憶番童年時食過嘅味道。
你哋睇，啲矮瓜係咪好嫩呢！
材料：
茄子
蔥花
醬汁：
腐乳
油爆紅椒
麻油
糖
- 茄子去蒂、洗乾淨，然後切成幼條狀。
- 將茄子放上碟，隔水蒸約 8 - 10 分鐘至軟身。
- 倒去蒸熟茄子後的多餘水份，之後用筷子逐一挑開成幼絲狀。
- 紅椒剪成茸後，與其他醬汁材料拌勻成腐乳醬。
- 將醬汁淋上茄子上面，灑上蔥花，拌勻後即可食用。
簡簡單單嘅一道菜，熟悉嘅味道，鉤起了無數回憶，當中感覺其他人無法體會！
雙果煲螺頭
一向以來，煲湯都係我嘅弱項，雖然話就話將所有材料放哂落煲就攪掂，但係我就唔係好識得去配搭食材煲湯，又或者中藥材嘅運用，所以好多時都只係煲番以前飲過媽咪煲嘅湯，如果唔係就要去參考食譜書啦！
之前睇過方太一本專教煲湯嘅食譜，見到有個湯好特別，用水果煲螺頭。平時聽到煲螺頭湯都係會用啲比較傳統嘅中藥材，好少聽到用水果煲，所以今日就試吓參考呢個食譜嚟煲螺頭湯。
材料：
急凍螺頭
蘋果
雪梨
豬腱
南杏
北杏
蜜棗
陳皮
薑片
食譜參考自方太《輕鬆煲靚湯》。
- 螺頭解凍後先切去內臟，洗乾淨；煲滾水，放薑片，將螺頭放入汆水，盛起用水
沖洗，備用。
- 豬腱洗乾淨，汆水後用水沖洗。
- 蘋果、雪梨去皮，切開 4 份後去蒂、去核，待用。
- 南、北杏同蜜棗用水浸十零分鐘，略沖水；陳皮用熱水浸軟後，去瓤、洗淨。
- 將所有材料全部凍水落煲，大火煲滾後，轉中小火繼續煲 20 分鐘，之後轉大火
煲多 1分鐘，就放回真空煲內。
- 飲用前，將湯煲番滾之後再煲多 20 分鐘，加鹽調味就可以。
Notes：
- 若螺頭表面有黑色物質，可用牙刷刷去洗淨。
- 因大部份食材嘅甜味都只會溶喺凍水內，所以最好凍水落料。
2009年8月26日星期三
"垃圾佬" 執餐具！？
Louisa 最近買咗啲新餐具，所以有啲舊嘅就要退役喇，佢叫我睇吓有冇啱用，有就拎番屋企，反正都係丟 o架喇！咁我睇過其實全部都好新淨，你話俾人聽係全新都唔黎有懷疑，所以我就好似 Rachel 咁做咗 "垃圾佬"，拎咗部份返屋企。
呢套 Mickey 碗碟係我最鍾意，因為簡而清，仲非常新淨，啱哂我
依家成日要影 "傑作" 掟上 blog 度。
呢隻超大湯碗就最啱用嚟做沙律兜。
仲有呢個攪拌碗，個底有防滑膠邊，咁就唔怕唔小心推倒啦！
其實仲有幾隻碗碟，不過無乜特別，所以無 post 上嚟俾大家睇。
P.S. 其實 Louisa 同 Winnie 都係 Hello Kitty 嘅 fans，所以當我見到有幾隻 Kitty 碗碟，我就即刻打電話俾 Winnie，問佢要唔要，佢當然會要啦，唔係點叫做超級 "番薯" 呀！所以我已經叫 Frankie 留番俾佢，等佢自己過去拎。
2009年8月25日星期二
香蕉全麥蛋糕 Banana Whole Wheat Cake
上次喺 Louisa 屋企食咗佢跟 Titan Tsang 個 recipe 整嘅 "高級" 香蕉蛋糕之後，佢話下次想試吓用全麥粉整，睇吓會唔會好食啲，咁我見自己又好耐都無整過香蕉蛋糕喇，加上又即刻諗起我有呢個 recipe，噉噚日 day-off 咪冒住 "熱死" 嘅危險開爐焗嚟試吓囉！
唔係講笑 o架，噚日雖然又熱又翳焗，但都無乜點出汗，但當完成好麵糊後，一開爐，嘩，即刻成身汗係咁流，企喺個爐隔離洗番乾淨哂啲用具時，真係好有做高溫瑜珈 feel！
蛋糕不但鬆軟，仲充滿住香濃嘅 香蕉味同麥香味，加埋一杯咖啡 蛋糕材料： 飾面材料： 以上材料份量可做 3' X 7' 長方形蛋糕一個。 食譜係出自 Anita & Sanny @ Jam Bakery 嘅《日嚐甜品》。 - 首先將所有粉類過篩 3 次；兩隻雞蛋拂打成蛋液；香蕉放入攪拌機內打成香蕉茸 - 牛油於室溫放軟後，用電動打蛋器打至軟身，跟住分次加入黃糖打勻。 - 量出 80 克蛋液，加入牛油霜裡面拌勻。 - 將香蕉茸加入，拌勻。 - 跟住加入粉類，盡量輕手及快手將麵糊以切拌方式攪勻，一見到所有粉類完全混 - 將麵糊倒入蛋糕模，用膠刮抹平表面。 - 將兩隻香蕉切薄片，均勻鋪喺麵糊表面，然後再將肉桂糖灑喺面。 - 放入已預熱至 180 °C 嘅焗爐內焗 45 分鐘，咁就完成。
或伯爵茶，就可以享受一個悠閑嘅 afternoon tea 喇！
牛油 70克
黃糖 30克
雞蛋 80克
全麥粉 90克
低筋麵粉 90克
泡打粉 1湯匙
梳打粉 1茶匙
香蕉 200克
香蕉 2隻
砂糖 適量
肉桂粉 適量
；砂糖與肉桂粉拌勻。
合就要即刻停手。
出爐啦！
呢個係整俾 Louisa 嘅，等佢可以試吓自己嘅 idea 嘛！
Notes:
- 全麥粉過篩時，較大嘅麥粒會過唔到篩，所以之後必須要同其他粉類混合拌勻。
- 飾面香蕉唔好預早切定，因為到整好麵糊時已經變黑哂！
- 如果你成日都做唔到鬆軟嘅蛋糕 texture，可以考慮好似我咁全程都用電動打蛋
器作攪拌，我已經實驗過無數次，一定掂！
P.S. 講
你哋睇吓張相就知 o架喇！ 
跟住我就即刻打開張錫紙，睇吓蛋糕裡面有咩事，唔通有蟲蟲咬穿咗張錫紙爬入去食蛋糕？ (Hm… 梗係我整啲蛋糕太好味啦，連蟲蟲都忍唔住要試食？ ) 原來所有錫紙穿窿嘅位置，都係掂到啲香蕉 o架！
因為我諗住今日會食，所以噚日攤凍完包好無放入雪櫃，可能因為我屋企太熱，加上香蕉糖份太過高，產生咗化學作用溶咗咗張錫紙呀！好彩我噚日裁張牛油紙時，預留咗好多紙口，咁我就將佢覆蓋喺蛋糕上面，之後先再冚錫紙放入雪櫃囉！
平時係用大模整，蛋糕一定唔會發到同模邊平口，所以錫紙掂唔到蛋糕面，同埋無整香蕉飾面呢！今次就用咗個細模整，個蛋糕發到好高，高過哂個模，仲整埋香蕉飾面，實掂到張錫紙啦，仲唔死！！所以 blog 友們要留意呀！
真係好驚呀！
芹香鹹菜番茄魚湯
今次滾呢個魚湯係有史以來最 "豪" 嘅一次，點解？因為用咗黃腳 [魚立] 嚟滾湯囉！
今次會用黃腳 [魚立]滾湯，係因為之前老豆攞咗好多黃腳 [魚立] 材料： - 中芹洗淨後切段，備用。 - 番茄洗乾淨、去蒂，切件備用。 - 鹹菜先用水浸約 15 分鐘，以減低鹹味，之後洗乾淨，切件待用。 - 魚打好鱗、洗淨，待用。 - 燒熱油鑊，爆香薑片，將魚煎至兩面金黃色，然後放入滾水內滾約 10 分鐘。 - 加入鹹菜，等到水再次滾番之後就轉中火煲一陣。 - 煲約半個鐘後，就分別加入中芹同番茄，煲番滾之後再煲多10 分鐘就 OK 喇。 - 記得最後先至落番茄，因為煲得太耐會煲到溶哂。
仔返嚟，呢度都只係佔 1/3 咋。
中芹
番茄
鹹菜
黃腳 [魚立]
薑片
Notes：
- 最好用潮州鹹菜，因為比起鹹酸菜會較淡口，同埋無酸味。
P.S. 呢個湯嘅食譜其實已經係好耐之前抄低，耐到都唔記得咗咁耐！當時我只係抄低咗材料，無抄到做法，所以今日就唯有憑經驗加自己嘅創造力去完成呢個湯。
2009年8月24日星期一
芥辣麻醬涼拌素絲
今日都唔知做乜事，行雷行得咁犀利，以為實落場傾盆大雨啦，點知原來係旱天雷，全日一滴雨都無落過！其實都應該要落吓雨喇，事關呢排天氣真係好悶熱、好翳焗，又唔趁我 day- off 喺屋企唔駛出街時落場大雨降吓溫，就嚟焗到病喇！
呢啲咁嘅天氣，最啱就係食番個清涼嘅冷盤，消暑之餘，又可以增進食慾，一舉兩得。
材料：
溫室青瓜
紅蘿蔔
木耳絲
大菜絲
醃料：
水
糖
白酣
涼拌醬汁：
日式芝麻醬
英式芥辣
糖
- 青瓜洗淨，開邊、去瓤，然後切段，並灑上少少鹽，逼出水份後，用凍滾水沖洗
，之後用手將水份略為榨乾，備用。
- 紅蘿蔔刨皮、沖水，切幼絲，之後放入鹽水內汆一汆水，盛起後瀝乾，備用。
- 醃料拌勻後，將青瓜條同紅蘿蔔絲加入，醃至入味即可。
- 木耳絲先洗乾淨，然後浸水，發漲後放滾水內汆水，盛起待用。
- 大菜絲稍為沖洗一下，之後用凍滾水浸軟。
- 當所有材料都準備好之後，就先放大菜絲落碟墊底，然後加入其他材料於大菜
絲上，最後淋上已拌勻嘅醬汁就完成。
- 食之前記得將所有材料 "撈起"。
Notes：
- 青瓜一定要去瓤，如果唔係就會不停 "標水"。
- 將紅蘿蔔絲汆水時，唔好滾太耐，過火變腍就唔夠爽口。
- 青瓜同紅蘿蔔最好朝早醃定，到夜晚食時就已經入哂味。
- 木耳絲可汆水耐少少，以去除 "翕" 味，即使過火都唔會變腍，同樣爽脆。
2009年8月19日星期三
加州水蜜桃
噚日晏晝上 Louisa 屋企前，去咗佢屋企對面果間 "疑似"「 Taste」嘅「百佳超級廣場」度兜咗個圈，見到有水蜜桃買，個樣都唔差，$12 / 3個，都唔貴喎 (「惠康」賣 @$5. X )，仲聞到好香桃味，於是就求求其其咁揀咗兩個黃桃同一個白桃 ( 因為我唔識得揀，所以咪求其揀囉 )。
印象中，我好似咁大個仔都未食過新鮮水蜜桃，桃駁李就食過。之前睇「咁至識食」第一集時，睇到果醬專家 Bonnie 教整蜜桃果醬，佢話依家呢個時候水蜜桃係最當造，所以咪買嚟試吓囉！
P.S. 咁啱上到去 Louisa 屋企時，佢又請我食日本出產嘅超巨型黃桃，不過唔係真係咁香甜。我同 Louisa 講，之前睇到李純恩喺自己個專欄度講，去日本最好就係食白桃，試過之後都唔駛再試其他品種，Louisa 都係咁話，佢仲誇張到話要對住個洗面盆嚟食至得，因為真係勁多汁，一路食一路流到周圍都係汁咁話。所以對於我買果幾個加州蜜桃都唔會抱太大期望，食完再同大家報告啦！
2009年8月17日星期一
洋蔥薯仔麵豉湯
呢個麵豉湯係睇「蔡瀾歎名菜」學番嚟嘅！係「煤氣烹飪中心」教煮日本菜嘅櫻井景子老師教整嘅。
材料：
薯仔
洋蔥
昆布木魚味噌
米味噌
味醂
- 洋蔥去衣後切幼條，備用。
- 薯仔刨皮，切件。
- 煲滾水，落洋蔥同薯仔一齊煲。
- 當薯仔煲腍之後，就可以加入味噌同味醂，再煲番滾就可以熄火。
洋蔥同薯仔呢兩種蔬菜，一直都認為只會用嚟煮西餐及西湯，真係無諗過會用嚟整麵豉湯，櫻井老師仲話呢個係日本好傳統嘅家常做法 o添！味道都唔錯喎，加埋自己整嘅壽司，就係今晚我哋嘅日式晚餐啦！
Notes：
- 原本櫻井老師係自己用昆布、木魚嚟熬個一番汁做湯底嘅，但係我屋企長期都會
有盒昆布木魚味噌喺雪櫃，所以我就咁用清水煮，無熬到湯底。
呢盒就係昆布木魚味噌喇！
- 味噌最好最後先至落，因為太早落去煲會影響味道，甚至完全無味。如果驚唔能
夠煮開所有味噌的話，可以好似櫻井老師咁將味噌過篩落湯度，又或者預先用少
少凍水開勻都一樣得 o架。
簡易壽司 DIY
天氣真係變幻莫測，一係就由朝到晚都落雨，一係就熱到標汗，想唔病都幾難！雖然上次整冬瓜粒番茄魚湯米線時話濕濕哋易入口，但係其實食湯麵熱辣辣，一樣食到成身汗，所以最好都係食啲唔駛煮嘅嘢，整壽司就最適合不過！
細個果陣，媽咪間中會整壽司俾我食，因為我勁鍾意食嘛！
之後比較大個啲就幫手一齊整，係好開心嘅親子活動呀！到讀高中時，媽咪已經淨係負責買料，之後所有步驟都放手交哂俾我做，由洗洗切切到包壽司都係自己一手包辦，諗番起，應該係我最早入廚整嘅一樣嘢！
本來諗住可以去「惠康」度買啲三文魚返嚟包入壽司度嘅，但係呢輪間惠康大翻新，原本已經係一間勁大嘅超級廣場，依家仲封埋商場外向街果條走廊嚟擴大面積，"大興土木"，要等到 9 月中先至完全裝修好 ( 依家好慘，行上去買嘢不單只無冷氣，仲沙塵滾滾，長期都好似彌漫薄霧咁款，最慘係啲收銀阿姐，無冷氣咁熱仲要戴個口罩防塵，真係難頂！) ，攪到依家無咗個熟食、燒臘同魚生壽司 counter，咁唯有到時先再整過三文魚壽司囉！咁今次就食住蟹柳先啦！
材料：
珍珠米
漬蘿蔔
蟹柳
溫室青瓜
壽司紫菜
白醋
- 先洗好米，放入飯煲內煮熟。與此同時，將解柳放於飯煲內蒸架上蒸熱。
- 飯煮好後，將飯打鬆，加入少量白醋拌勻，攤凍備用。
- 青瓜洗乾淨，與漬蘿蔔一齊切成幼條。
- 壽司蓆上放上紫菜，然後將飯均勻鋪上，稍為壓平。
- 將蟹柳、青瓜同漬蘿蔔放於飯面上。
- 將壽司蓆捲起，邊捲邊用手按住中間材料，並將壽司壓實。
- 捲好後，將壽司兩端稍為用力壓一壓，以確保飯同紫菜黐實。
- 最後就可以將壽司切件，配以酸薑、醬油同 wasabi 一齊享用。
今日整呢個壽司其實非常之唔正宗，用哂啲代替品去整：壽司米變珍珠米、壽司醋變白醋，連壽司醬油都係自己調配！因為唔想為咗整一次半次壽司就走去買咁多 "專業" 用料返嚟，如果真係整每樣嘢都咁講究，用齊所有正宗材料，睇怕我屋企都唔可以住人，要讓位俾啲食材 "入住" 至得喇！所以就地取材，屋企有咪就用咪，好方便，反正我都係咁食落肚 o架啦！
Notes：
- 壽司材料可隨個人喜好而變更。
- 最好每一次落刀切壽司之前都先用食水將刀蘸濕，咁樣啲飯就無咁易黐住把刀，
切口都會整齊平滑好多。
- 係放紫菜上壽司蓆之前，可以先鋪上一張保鮮紙，以防止飯粒或材料直接黏喺
蓆上，保持壽司蓆清爽乾淨，咁就唔怕影響壽司外觀。
P.S. 今日去過超市睇個好幾個牌子嘅壽司醬油，原來其實同普通醬油無乜太大分別，只不過係學 Louisa 咁講味道會濃啲，同埋加多咗糖及味醂入去，所以我就試吓用屋企樽濃縮冷麵醬油加糖及味醂調味，做成壽司醬油。味道都 OK 喎，可能樽冷麵醬油同樣都有加入昆布、木魚製造，所以好鮮味。咁就唔駛又專登走去買支壽司醬油放喺屋企喇。
唔怪得之 Louisa 都話，日本人所謂嘅秘製醬汁，咪又係不外乎醬油、糖、味醂同清酒！我以為照燒汁係咁啫，原來連壽司醬油都係咁！其實可能只要有支「萬字醬油」同味醂就已經可以變化出好多種日式醬汁喇，呵呵！
冬瓜蚊鯪魚肉釀豆腐卜
呢排老豆成日喺朋友個農場度拎啲冬瓜返嚟，淨係我同佢兩個又點食得切咁多個呢？其實已經俾咗 3 個 Winnie o架啦，但係都仲要食好幾餐先可以 "清貨"！食多幾餐其實都無乜所謂，反正都係蔬菜，又唔係肉，之但係每次要諗有咩唔同煮法都幾傷腦筋，前前後後已經整過冬瓜肉粒湯年糕啦、雙冬炆火腩啦、大暑個日買咗包去濕料煲冬瓜水啦、仲有上個星期整咗冬瓜粒番茄魚湯米線，對於我呢個入廚初哥嚟講已經係絞盡腦汁 o架啦，但係都仲有半個喺雪櫃度，咁點整好呢？卒之俾我諗番起以前媽咪曾經整過炆鯪魚肉釀豆卜，於是就照板煮碗咁樣煮喇！
材料：
冬瓜
鯪魚肉
豆腐卜
薑片
醃料：
生抽
胡椒粉
鹽
糖
調味料：
鹽
糖
紹酒
蠔油
- 先用醃料將鯪魚肉調味，醃約 30 分鐘。
- 豆腐卜沖水洗淨，搾乾水份後剪開一半，然後將魚肉釀入豆腐卜內。
- 冬瓜去皮、去瓤，切件，同已釀好嘅豆腐卜大小相約。
- 燒熱油，先將釀咗魚肉果面放入鑊煎香至金黃色，之後就兜炒幾下，灒酒，兜炒
多幾下就盛起，待用。
- 放薑片落鑊爆香，加入冬瓜兜炒，之後加調味料 ( 紹酒除外 ) 及少少水，校慢火
煮至軟身。
- 當冬瓜煮到約七、八成熟後，就將豆腐卜回鑊，兜炒數下，冚番鑊蓋，繼續炆到
冬瓜完全腍身就攪掂，上碟之灑上麻油增添香味。
Notes：
- 如果想鯪魚肉穩陣啲咁黐住個豆腐卜，可以喺釀入魚肉之前搽少少粟粉入豆腐卜
裡面。
- 媽咪教落，煮任何瓜類都千祈唔好用生抽調味，因為會令到啲瓜變酸，以節瓜最
為明顯。
- 蚊冬瓜時要留意水份，約見到乾水情況，要立即加多小小水，直至冬瓜煮腍。
訂閱：
文章 (Atom)