2011年6月19日星期日

芥末薯蓉雞肉包 Mustard Mashed Potato & Chicken Bread

        我間中都會買「Panash」嘅薯仔脆法包,因為香口之餘,又有法包嘅煙韌口感。早前搵麵包食譜時,發覺原來自己都有一個類似嘅食譜,今日我就參考咗嗰個食譜,改一改材料兼加以變化,就整咗呢個芥末薯蓉雞肉包喇!
 

 
材料:
高筋麵粉            200
低筋麵粉
            50
                       5
                       5
即用酵母
            5
                      150 毫升

固體菜油            5
雞柳                   2

細薯仔               1
芥末籽醬            適量
日式沙律醬        適量
羅勒                   適量

醃料:

黑椒粉 

- 薯仔去皮、切片;雞柳起筋、洗乾淨,用抹手紙索乾水份後,用醃料醃 30 分鐘。

- 薯仔同雞肉蒸熟,之後雞肉切粒;薯仔壓成薯蓉。

- 將芥末籽醬同沙律醬加入薯蓉內拌勻,再將雞肉粒拌入,攤凍備用。

- 將麵粉、糖、鹽、酵母及水混合搓成糰,之後加入固體菜油搓至起筋。

- 繼續搓揉及摔打成光滑麵糰,放入已灑粉嘅兜內,包好保鮮紙發酵 40 - 45 分鐘。

- 將麵糰排氣,滾圓後再次發酵 20 - 30 分鐘。

- 完成第二次發酵後,將麵糰平均分割成 4 份,每個約重 100

- 將小麵糰分別滾圓,鬆弛 10 分鐘。

- 用擀麵棍將小麵糰擀薄,每個包入薯蓉餡約 40 後捏緊收口,放上已墊防黏入爐
 
蓆嘅烤盤上,蓋上保鮮紙,最後發酵約 40 分鐘。

- 麵糰發酵至兩倍大後,用較剪喺麵糰表面剪開一個十字缺口至見到薯蓉餡。

- 透過缺口,將羅勒灑上薯蓉上,之後用水噴濕麵糰表面。

- 放入已預熱至 180 °C 嘅焗爐內,噴蒸氣,焗約 25 - 30 分鐘。

- 開始焗後 5 分鐘再噴多一次蒸氣,繼續焗至表面金黃即可。

以上材料份量可做直徑約 5 吋麵包 4 個。
 
 
 
今次個包表面焗極都唔上色,唔知係咪
因為用咗固體菜油嘅關係呢?
 
 
 
 
 
 
第一次整呢款做形,覺得幾得意。
 
 
 
 
 
 
啲薯蓉係呢個包嘅靈魂,味道調得不錯,令單調嘅法包帶點色彩!






Notes
- 薯仔蒸熟後最好趁熱、趁軟身壓成薯蓉,會比較容易。

- 鍾意的話,可將醃好嘅雞肉切粒,之後放入鑊內炒熟,會比較香口。

- 除沙律醬及芥末籽醬外,可隨意拌入自己喜愛嘅醬料,甚至唔拌入任何醬料亦可。

- 噴蒸氣可令麵包表面變得香脆,如果鍾意食軟包的話,可以唔將麵糰噴濕及噴蒸
 
氣。



3 則留言:

  1. 我好鐘意食叔婆對面間麵包房既法包, 有香草味, 又夠煙韌...你有冇試過呢...
    呢個包既外層好似好脆咁喎....有法包既精髓呀....落薯仔雞肉又有芥末 ,真係唔錯囉...叫左你整幾個黎咬架啦...
     
    [版主回覆06/20/2011 16:25:00]        妳係咪講緊「Little Mermaid」呀?我每次經過都會行過去索 吓同 睇 吓 啲包包,因為真係好吸引,不過就只係買過一次食,仲要係最平 嗰款合桃包,因為真係幾貴,我唔捨得買 嚟食呀!不過好 嘢即係好 嘢, 嗰個合桃包一食落口已經不同凡響,鬆軟之餘又帶點煙韌,雖然只係食過一個咁多,但印像相當唔錯,我個 friend 話佢 啲法包係最好食 o架!         係呀,呢個根本就係用法包麵糰整 o架,妳睇我老竇搣開個包俾我影相,個表皮即刻裂哂就知好脆啦!         查實個薯蓉都係照平時我整薯蓉沙律時 嘅調味方法,好鍾意食呀!我呢次整 咗四個,我同老竇一人一個,剩低 嗰兩個就妳同 Motonako.A 分 咗佢啦!

    回覆刪除
  2. 係loh, 個包咁淺色嘅???
    呢個做形幾好咖, 我試左剪大d裂口 , 就唔好睇了......
    [版主回覆06/20/2011 16:15:00]        係囉,都唔知點解焗極都無乜色呢!         見個缺口好似好細咁,仲 諗住下次剪 大 啲 o添!不過個款真係幾得意!

    回覆刪除
  3. 一打吖唔該...
    [版主回覆06/20/2011 16:13:00]        一打??我今次都係整 咗四個咋!請妳食一個就無問題!

    回覆刪除