2012年11月24日星期六

韓國炒粉絲 Japchae (잡채)

        韓國炒粉絲都係我個 To Do List 內想煮嘅嘢,不過買包粉絲都要成二、三十蚊,所以一直都無起心去煮,咁啱上個月「永安」一年一度 sale韓國粉絲只賣 $18.9 一包,嘩,咁筍,唔買都對唔住自己啦,吓嘩!!

 

材料:
冬菇
甘筍
洋蔥
菠菜
蒜茸
韓國粉絲
炒香芝麻

調味料:


生抽
胡椒粉
麻油

- 冬菇洗乾淨,用清水浸軟後去蒂,切粗絲;甘筍刨皮後切絲。

- 洋蔥去衣、切條;菠菜洗乾淨,放滾水內灼至軟身,盛起,用手榨乾水份,用較剪略
   剪斷。

- 粉絲放入滾水內,煮約 8 分鐘至軟腍,盛起、過冷河,瀝乾水份,略剪斷。

- 燒熱油,將蔬菜料爆炒,下蒜茸,兜炒一陣,之後加少少水,將甘筍同洋蔥煮至稍為
  軟身。

-
加入粉絲,校至慢火,落調味料,快手不斷兜炒,粉絲炒熱後便可上碟。


-
食前灑上適量芝麻。

 

 


傳統做法會加入牛肉絲,咁我唔食牛肉嘅當然無落到啦!





 

好辣嘅我,食嗰陣時再加入韓國辣椒醬,超好味!





Notes
-
煮粉絲時要間中攪拌一下,避免黐成一糰,而且煮到剛好腍身即可,否則落鑊兜炒時
  會過腍。

-
粉絲加入鑊後一定要轉慢火,以免黐底。

- 100

4 則留言:

  1. 呢味我有時去叔婆food court都有食...不過唔算太好味..你整得似模似樣,自己又可以調校味道, 一定0岩口味啦 ,加辣就更加要啦
    [版主回覆11/28/2012 19:59:34]叔婆度有得食?
    我呢次係上 Youtube 跟足韓國人做法去煮㗎,所以都呃得吓人㗎!
    加辣椒醬食,別有一番風味哦!

    回覆刪除
  2. 有包韓國粉絲擺咗好耐,等我都的起心肝整來食
    [版主回覆11/28/2012 20:27:06]要喇,要喇!

    回覆刪除
  3. 作C你買賣包粉絲都要等成年?
    [版主回覆11/30/2012 17:05:46]妳癡線啦妳,人哋次次做 promo 減嘅嘢都唔同㗎,咁啱今次寄嚟份通訊見到有呢隻粉絲減價咋,真係俾妳激鬼死呀!!
    [芹菜回覆11/29/2012 19:11:04]
    [Motonako.A回覆11/29/2012 02:54:45]「永安」一年一度嘅 sale 嘛....咁咪要等成年囉!
    [版主回覆11/28/2012 20:05:32]我幾時有話要等成年先買呀!!??

    回覆刪除
  4. 緊張大師-小女人2012年11月25日 下午3:49

    唔講唔知韓國既粉絲咁好吃,朋友同我去韓國街吃飯才知咁好味.你係永安買架等我又去睇下先,現在應仲減緊那可以自家炒比媽媽吃,料就隨意放乜都可以啦,但炒時容積燶嗎?
    [緊張大師-小女人回覆12/09/2012 12:24:50]唉.,算啦,我又唔係成日要搵佢,但佢同我老公做的賠償又快喎,早前老公入了院真係快到單未到就收到錢啦
    [版主回覆12/09/2012 00:52:38]我都好明白呢個情況,但係為咗他人飯碗而令自己煩惱,咁又好似………
    不過始終都係妳倆嘅事,我都要學習一下唔好咁熱心幫人!
    [緊張大師-小女人回覆12/08/2012 18:15:53]我好想呀,但老公話唔好,要是真的這樣做對現在的保險顧問唔好喎我真有雖要話你知
    [版主回覆12/07/2012 23:42:40]咁妳會唔會考慮轉個經紀呀?我嗰個都好交帶,樣樣做到足,媽咪之前都成日讚佢,仲話當初其實只係打電話去「宏利」問嘢,點知俾著一個咁好嘅 sales,成日都話好好彩!
    妳有需要就話我知啦!
    [緊張大師-小女人回覆12/07/2012 16:13:33]信係以前我有個好好的顧問現退休啦我無人跟好慘呀,老公要返公,我去了永安好似唔洗錢,排隊都成四十五分,只得一個收銀,我買了二包芝麻粉同一包黑糖,好多野想買老公係度就好啦,可惜.....
    [版主回覆12/07/2012 02:50:32]又信佢又憎佢?咁矛盾!?
    仲以為妳先生陪妳去呢!
    [緊張大師-小女人回覆12/06/2012 15:08:14]二十幾歲我就開始買保險送比我媽媽.我好信宏利但現在我僧到佢地死呀.我唔會血拼架我係替老公買內衣咋,或買少少食品咁就返家我攞唔到重架
    [版主回覆12/05/2012 22:07:15]哈,我啱啱先搵完我個保險經紀攪 MPF 啲嘢,都係 Manulife 呀!
    我今次應該無乜嘢買囉,啱啱先買完無幾耐!
    希望妳到時血拼到收唔到手啦!
    [緊張大師-小女人回覆12/05/2012 09:59:26]係因為他一定會減價架聖誕喎,吸引人流,我星期五針炙完會到永安那大廈我要去宏利保險跟著會去永安替老公買東西睇下有乜好東西可以買先
    [版主回覆12/05/2012 01:56:37]喂,老友,俾妳講中,「永安」呢個禮拜四至日又 sale 喇!
    [緊張大師-小女人回覆12/04/2012 19:51:49]由十二點至二點,我返去睇下先
    [版主回覆12/04/2012 16:37:01]個時間最長由幾點至幾點呀?妳睇番妳素食自助餐個篇 blog,我覆咗妳喇!
    [緊張大師-小女人回覆12/04/2012 11:49:56]好呀,你睇下素食那店的時間可以就你嗎?我們約去星期一吃素啦,由十二點開始食,只吃一個鐘就88+10%如超過一個鐘就108+10%,我第二次去無post 出來我們就食到三點幾仲同老闆娘鬼咁好聊.你睇睇得唔得話我知啦
    [版主回覆12/03/2012 19:05:50]妳睇我笑到碌哂地就知係講笑啦!
    我今日喺荃灣一間韓國食材店見到韓國粉絲做特價,仲平過「永安」,賣 $16.9 㖭咋!我當然即刻入貨啦!我買咗兩包,一包係俾妳㗎,所以妳唔好再買喇!見到面時再俾妳啦!
    [緊張大師-小女人回覆12/03/2012 17:55:23]吓!!!!我無咁意思呀,我覺得好開心可以一齊行街買野咁幾好呀,無問題喎,我同朋友都係咁架
    [版主回覆12/02/2012 19:15:52]作死妳咩,講到自己好似少女懷春恨同男仔行街咁款!
    [緊張大師-小女人回覆12/02/2012 10:57:47]就咁決定,好野可以同你行下街啦
    [版主回覆11/30/2012 18:07:04]好,一言為定!
    [緊張大師-小女人回覆11/30/2012 17:23:04]我好早前都係永安卡但後來覺得無乜用所以唔要,你又係去油麻地咁下次約埋我一齊去啦
    [版主回覆11/30/2012 17:10:04]唔會太油喇!原本韓國傳統做法係將所有材料煮好之後放大兜內拌勻嚟食,所以唔需要太多油,但我唔食凍嘅,所以先至回鑊兜勻咋!
    因為我家有「永安」卡,所以每次 sale 都會寄通訊通知會員!
    我都係去油麻地分店呀,因為美孚有免費車接送。
    好呀,到時通知妳啦!
    [緊張大師-小女人回覆11/30/2012 09:47:01]好的,我愛吃呢個只怕太油而已,永安減價係咪會通知你架,如果係下次你叫我一齊去啦,去油麻地那間可以嗎?聖誕又來可能又減架
    [版主回覆11/28/2012 20:30:21]減完價好耐喇!妳可以睇睇韓國食材店有冇呀!
    只要校到最慢火,加上有幾他材料一齊,唔算太易炒燶!

    回覆刪除