2013年10月31日星期四

久違了的 foccacia

        真係好耐無整 foccacia 喇,突然間抽起條筋好想食,即刻預備好哂所有材料,開工!
 
 

2013年10月27日星期日

無花果合桃鄉村包


        上次接 order 整 pound cake 用剩啲無花果乾,加埋合桃一齊整麵包,我非常鍾意,因為食包時可以同時嚐到合桃香脆同無花果嘅香甜。
 
        今次用咗法國藍帶廚藝學院本《法國麵包基礎篇》裡面個鄉村麵包麵糰做包底,配搭效果超好。
 
 

2013年10月24日星期四

老表德國手信

        老表 Lily 早前去咗德國旅行,玩咗兩個禮拜,買咗兩樣手信俾我。
 

2013年10月23日星期三

橘香紅莓英式烤餅

        用埋之前整橘子醋嘅剩餘物資,整咗呢個充滿清新橘香味嘅全麥 scone
  
 

和風橘子醋

           我一向都有買日式柚子醋,特別鍾意佢嗰種清新嘅橘香味及淡淡酸味,夏天用嚟整沙律、配冷麵都好正,用嚟醃肉都唔錯,平衡一下肉類嘅油膩感覺。
 
        最近發現,我一直買開「AEON」自家品牌「Topvalu嗰隻原來唔係柚子醋,係橘類水果醋!因為唔識日文嘛,咪信哂貨架上個產品名稱囉,可能係連職員都唔識日文,哈哈哈哈!!!睇番樽身個英文成份表,原來係用檸檬汁、橙汁同柑汁加日本醬油調製而成,成份咁簡單,自己整都得啦!上網參考過其他網友做法,自己又玩吓先!
 
 

參巴煎魚餅

        突然之間好想食泰式煎魚餅,但係又無紅咖喱醬,咁咪即刻無得整?唔緊要,用參巴辣椒醬代替咪得囉!

 
 
 

2013年10月22日星期二

繼續秋風起……

        上個禮拜開始,天氣真係明顯轉涼,風扇都無乜點開過
 
 
 

再見吧!

            成日都話,人生無常,人大咗,真係去白事場合多過去紅事,更何況呢次連去都去唔到,真有點可惜!
 
        年初時,雖然已經知道你患病,而且情況都頗嚴重,但見到你非常精神,同一般人無乜分別,唔講都真係唔知有病,仲記得去你屋企拜年時,你仲好好精神,講說話中氣十足,仲拎住部平板電腦好專心咁打機,投入到連我跟你講嘢都唔知。
 
        估唔到事隔只係半年多嘅今日,你已經離開咗大家,喺 Facebook 度見到你早幾日跟屋企人大合照全家福,只係覺得你比之前瘦咗,但雙眼都仲係好有神,真係無諗到幾日之後就走了!以後都唔可以等你回港時見面喇,唯有等有機會我過去加拿大時再去探你吧!
 
 
葉生,安息吧!希望你能夠去到你想去
嘅地方,過著寧靜嘅生活!

2013年10月17日星期四

兩款磅蛋糕

        上星期接到網友嘅 order 要兩條 pound cake,咁因為有充裕時間俾到我去整,同埋整 pound cake 唔需要太花巧,所以就應承咗對方,今日交收。
 
 

2013年10月14日星期一

成功將舊 blog 匯入喇!

           卒之都成功將舊 blog 匯入到呢度,不過學 blog A moon 話齋,真係仲有好多甩甩漏漏,之後再慢慢執喇! 

        正式重新開始,整過個全新嘅 banner,係咪另有一番新景象呢!

2013年10月11日星期五

蠔豉黃耳燜蘿蔔

          正所謂冬食蘿蔔夏食薑,秋涼後就開始多食蘿蔔,唔知係咪因為白蘿蔔秋冬當做呢,近排買到白蘿蔔特別多水、特別甜。 
 
        今次我就整燜蘿蔔,用咗冬菇、黃耳同蠔豉去燜,蘿蔔燜到入哂味,加埋本身嘅清甜,勁好味呀!
 
 

2013年10月9日星期三

柚子抹茶鬆餅 Pomelo Maccha Muffin

           冷宮內嘅 muffin 都已經清哂好耐,係時候又要招過一批新嘅佳麗!
        自從用過乳酪整 muffin,發覺個 texture 特別鬆軟之後,次次整嚫都係用佢,幾乎已經唔記得咗唔用乳酪嚟整時嘅感覺係點。趁仲有少少豆漿剩喺度,就用埋佢嚟整啦!

2013年10月7日星期一

秋風起 ……

          秋風起做乜好?食蛇羹?好多年無食過喇;食臘味糯米飯?又好似早啲喎,依家都仲算係熱喎!
 
        從中醫學角度去睇,秋天應該開始調理好身體,裝備好自己,準備入冬。夏天嘅時候真係好少煲藥材湯飲,多數都係煲瓜果湯、袪濕湯之類,依家天氣涼咗好多,喺時候 進補一下喇!
 

2013年10月2日星期三

Yahoo Blog 搬家又多一個選擇呀!

        雖然已經有好多 blog 友成功搬家,仲有同大家分享搬 blog 步驟,但係對於我呢個唔太熟悉網頁運作嘅白癡,睇完都唔知做乜,連備份好哂個 folder 都唔知應該點樣 copy 過去 Google 度!

       Yahoo Blog 依家有多一個搬家合作平台可供選擇,叫做 WeShare,話只需按下一個按扭就可以完完整整咁搬過去,連相片及 blog 友回應 (包括私人留言) 都可以一次過搬哂過去,聽落又好似好啱我呢個白癡喎!不過始終都係新嘢,自己對寫網頁又一竅不通,都係睇定少少好啲!

2013年10月1日星期二

香煎黃豆餅配參巴辣椒醬


        呢個小食係 Ernest 媽咪度偷師學番嚟,非常易整,鍾意食香口煎炸嘢嘅朋友不妨一試呀!